!.. مما يكتبه ،،،الظـاهـرة،،، غفر الله له ..! - الصفحة 67 - منتديات مسك الغلا

**!..الظـاهـرة..!** · 09-24-23, 10:10 PM

دخل المحل فوجد بنتاً تتبضّع ..

سألها عن إسمها.. ردّت :بلقيس ..

بلقيس الله يخليك لا تمشي ..
الله يرحم والديك
اتصلت على أمي وراح تجي بعد شوي ..

أرجووووووووووووووووك ..

فرحت .. وأشغلت نفسها بتلمس ماحولها وهي تبتسم ..

وفعلاً ماهي إلا شويات ..وجاءت والدته ..

مسك والدته بيده وسحبها ناحية بلقيس ..

ثم قال لها :

يمّه .. بالله عليك .. حلّفتك بالله ..
ماهي تشبه خالي عوّاد الله يرحمه ..

**!..الظـاهـرة..!** · 09-24-23, 10:15 PM

ورغم تقصيرك إلاّ إنّك عليك القلب /
قارصني ...

**!..الظـاهـرة..!** · 09-24-23, 10:18 PM

مما سمعته من سنوات .. من أحدهم ينقل حكمة شايب :

إذا فقدت سمعك فقدت الناس ..
و إذا فقدت بصرك فقدت الحياه ..

= الحمدلله ..

**!..الظـاهـرة..!** · 09-24-23, 10:28 PM

بنت صغنونه من العائله ..
مريضه هاليومين :
كحّه وأتوقع التهاب حلق وزكام .. شي هيك يعني ..
بسيط بأمر الله ..

طلبتها .. آيسكريم ..

قالت :
فيه بس أنا سوّيته ..

بيني وبينكم ما تشجّعت ..
لكن ما حبيت أكسر بخاطرها ..

قلت هاتيه أشوفه ..

لما جابته كان كويس و معمول بطريقة احترافية ..

حاولت تنزله من مكانه ( النكهة المحددة ) ..كان عالق بفعل الثلج ..

في الأخير هي سحبته بقوة .. وطاح منها في الأرض ..
مسكته بسرعة و نفخت فيه ..!!!!

هيّ ناقصه يا بنتي ..!!

**!..الظـاهـرة..!** · 09-24-23, 10:44 PM

الكلّ كان موجوداً حولي ..

لسببٍ ما..
كنت مبتعد عن جدار الغرفة شوي..

بمعنى الجلسة أرضية .. لكنني قريب من منتصف الغرفة ..

بعد فترة بدأت أمرّن ظهري.. كأنه تعب من الجلسة ..

الكل لم ينتبه سواها :

طيب ارجع وراء ..
اسند ظهرك ..

بيّنت إنّه مافيه شي وعادي ..

قامت وجاءتني بـــ ( تكّايه )

من كمثل الأمّ .. و إحساسها ..

( ربنا يخليكي يا أمي ) ..

**!..الظـاهـرة..!** · 09-24-23, 10:48 PM

كأغلب الأمهات ..

والدتي كتلة حنان .. أطنان رحمه .. جبال من الإحساس ..

لكن :

حنان الأب.. يا نااااااس ..

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
	شات الرياض		شات كتابي	شات سعودي للجوال