ماعلينا بما يحدث في مدونة الجيران

حلفت ما ارد

وداً لك وحباً بأمثالك


تعالوا إلى سهرة هذا المساء

سوق المبادي


بيض الايام وان غابت .. لها معواد
ماتمشي الدنيا على كيف مخلوق

وان جات … سود الليالي تنقاد
رضينا ولا لنا بقسمة الله منطوق

والمبادي سوق . . وحنّا لها رواد
اما شرينا بحلالنا .. والا مانبوق

وكلّ يصبغ حياته بياض او سواد
وكلّ حق وراه مطالب.. ملحوق

ويالله بصيتٍ بين العرب ساد
وتختمها لي .. من النار معتوق

،،أمجاد ..


ياكثر مانشره على الليالي والايام
ماندري ان المنقود منّا وفينا

الوقت ماتغير لكن البلا بالانام
ناسٍ تخلّت عن ورثٍ بايدينا

الاسم بين العالم اتباع الإمام
والواقع يبكي امجاد ماضينا

لكن واللي عز دينه بالاسلام
ماتنتكس فطرةٍ فيها بدينا

ومثل ماهدم الاولين الاصنام
عهدٍ علينا نثبّت بالقاع مبادينا



،،

،،صويب الجفا

في غيابك انا غريب .. يتيم البوح
منكسره عين اللقا .. تحتري ملفاك

صويب الجفا ..غارت به الجروح
كيف الحنين ماجابك لي وخذاك

وياكيف الدوى ! .. والضماد مملوح
فوق الأشوق …عاثت بروحي ذكراك

ماعاد لي بكثر الحسايف مصلوح
ولا عاد ارقب مضواك .. ومسراك

حوبة غرامي ، تتبعك وين ماتروح
اما تجيبك ……….. أو تطرد وراك

ولي نفسٍ عزيره.. طيبها يفوح
تتوب من الهوى لو القلب معاك



،،

الرحيل




عش كما تشاء لا تأبه للعواصف والأنواء
حلق بجناحين عاليا ..فوق ركام الغيمات

وانثر عبيرك .. بقلوب الأهل والأخلاء
اطرح بذورك تخرج سنابل الضحكات

لاتسلّم الرايه وان زادت سطوة البلاء
رفرف بالأمل .. يمينك تلوّح بالأمنيات

وامض بيقينك .. ذاك درعٌ للشقاء
وارفع يديك لمن لاترد عنده الدعوات


وسلاماً ..
للأنقياء ..
للصادقين على الدوام
للخالدين ذكراً وان غاب المقام

واطيب ختام صلاة على خير الأنام

اللهم صلّ وسلّم على سيد الخلق محمدا وعلى آله وصحبه اجمعين