شارك بإقتباس من أشعار القسم

جنون الموده

شبّ السيجارة نسيج .. خيوط دخانها
يرسم على واهم اشجاني عناويني

تشبّها كيف واطفي لاهب اشجانها
ويطارد الشوق وجداني ويشقيني

مدري جنون المودّة او جنى شانها
اقاوم الوجد .... والفكرة تعنيّني

تعبت ... خل القلوب تعيش سلوانها
ونسيت بعض المواجع وانت تغريني

دع المشاعر ودع تحريك وجدانها
احب عذب القوافي .. لكن اعفيني

ما ودي استحضر اشواقي وخلانها
واستلهم الشعر واستجمع دواويني

واللي خلق كعبة الاسلام واركانها
ما ظنّي اعود .... واقطّع شراييني

خلّ السيجارة تمدّ خيوط نشوانها
إما .. تجاهلتها .... والا ... تنسيّني

سالم العامري

يلغى التثبيت لحين انتهاء الفعالية

يثبت من جديد