يسعد صباح الحب بأسمى معـــانيه
ويسعد مساء راع الـــوفا والجماله
والله أحبه .. حب غــــــالي لغاليــه
بأقصى حنـــــايا القـلب حبــه لحاله
الســـامي اللي شــــامخــاتٍ مباديه
الشعر يســمــو واقعه مــن خيــاله
أســـرح مع الذكرى بهاجس لياليه
أهيم مع ذكراه وأعشــق وصـــاله
من لـــوعة الفرقى خفـوقي يناديه
ويملكني الهــــوجــاس ياحـي فاله
أن مـــــــرني بالحلم؟ قلـبي يحييه
والدمع من عيني يجأوب ســـؤاله
قلبي من غيـــــــابه تحطم محانيه
والحزن من فــــــرقاه خيّم أظلاله
غاب وتـــركني للسهر والمشاريه
بين المـــــلامه والصبر والبساله
دمع المفارق في عيوني مـواريه
يصوّر أحساس العزى من خـلاله
أحلى ليالي العمر تــــذكار ماضيه
يغمـــــرني بعطفه ونشـــوة دلاله
لامن ذكرت أحلام عمري وأمانيه
يضيق صدري كل ماضــــاق باله
ياثقل دم الليل لا صـــرت ماوحيه
صـــوت الغلا لا غاب يحُرم بداله
صرخة خفوقي في غيابه تناجيه
وأسابق الخطوات بأطهر رســاله
أمـــــوت فـــرقى كل ماحل طاريه
لا جابوا أسمه قمت أعدد خصاله
ياما رسمته وأزرق الدمـع يبكيه
وهاجس خيالي بالــوفا كم طراله
أهديه مضمون القصيد وقــوافيه
على العهد صادق شعوري عناله
وياعل قلبٍ ماحتوى شوق غاليه
يعيـــش في دنـيـــاه محدن دراله