حبيبي مريض عسى الله يبعد عنكم الامراض.....
لاباس يالمحبوب روحي تفداك
لا باس يا مضنون عيني حبيبي
جعل ربي يا هوى البال ياقاك
من كل شر وكل جرح عطيبي
يا لتني خذت المرض عنك ما جاك
وتصير من بدى الخلايق طبيبي
ترى حياتي ما تهنا بلياك
ليتك دوى من عند عيني قريبي
او ليتني نسمة صباح بدنياك
ألثم جبينك عقب طول المغيبي
أو ليتني طيف يزورك بممساك
واشاهدك واقول يا نفس طيبي
بالحيل أحبك واعشقك واتمناك
يشهد على ما اقول دمع سكيبي