وعليكم السلام
بوضوح:
لو أنا مكانك؛ أنا اللي هسألها عن سبب الطلاق، والحياة وشكلها ...إلخ، عشان أفهم المشكلة كانت ايه ، وازاي، وأسبابها، وازاي أتجاوزها، أو أساعدها تتجاوز التجربة..
لكن خلّينا فيك دلوقتي
هقولهالك بكل صراحة:
انت لسّه على الباب، لو الأفكار دي هتفضل مسيطرة عليك، وتقول راجل شرقي وغربي وجنوبي وتعمل قصص، وتدخل الغيرة في الحوار= يبقى من دلوقتي ؛ فارق بمعروف
ومش تتعب البنت معاك
لأن واضح إنك مش قادر تسيطر على غيرتك، ومش قادر تثق في نفسك بشكل كافي
وإنت في الأول وفي الآخر .. حر
لكن مش تتعب نفسك ولا تتعب اللي حواليك،

لأن اللي جاي أكبر
هتتزوج، وهتطلب منك حاجات في العلاقة الخاصة، انت من نفسك هتطلق العنان لغيرتك، وتفضل تقول دي كانت بتعملها مع طليقها
والحركة كذا
ودي كذا
وتعيش في وجع وضيق، وتنكد على نفسك، وتنكد عليها

النصيحة:
اقعد مع نفسك، وفكر كويس، وقدامك الخيارين: إما تكمل، وتعوضها وتساعدها
أو تمشي من الأول بدل ما تتعبها وتتعب نفسك