كبرى دماغك ومفيش داعى للاحراج طيب هحكيلك على موقف حصل معايا بس كنت فى المدرسه زمااان قوى يعنى
مكنتش اخرج من المدرسه انا وكم وحده من صحباتى فى وقت الخروج ولانى عارفه نفسى مبعرفش ازاحم وكان حجمى على قده فكنت انتظر اغلبية البنات تخرج وفى يوم
اتفقت انا وصحباتى اننا نجازف ونزاحم وكنا عملينه شبه التحدى
لان مدرستنا كان عدد البنات تقريبا 2000 طالبه تخرج فتره صباحى و1000 طالبه تدخل فتره مسائى وفى نفس الباب يعنى مجموعه طالعه ومجموعه داخله فكان ماشاء الله تزاحم شديد جدااا وكانه يوم الحشر استغفر الله
المهم دخلت وسط البنات لقيت نفسى من شدة التزاحم بترفع لفوق
ومن رحمة ربنا انى منزلونيش لتحت
تقريبا اكتاف البنات جات فى وسطى طبعا بنات داخله وبنات خارجه زى الترس وانا مرفوعه وبضحك ضحك هستيرى والمشكله ان البنات اللى شايلينى مش حاسين بكده وبيبصو عليا باستغراب وسمعت وحده بتقول مالها البت دى طويله قوى كده ليه وليه بتضحك مجنونه دى ياااك وفى المفرق لقيت نفسى مرزوعه على الارض وبرضو كنت بضحك والناس اللى ماشيه فى الشارع بتبص عليا مستغربين انا ليه قاعده على الارض وكانى مجنونه 
احراج ما بعده احراج وبالطبيعى كان لازم اروح المدرسه كل يوم بعد الموقف ده تخيلى وضعي ساعتها