احم احم وسّع وسّع>> حلفت محد يقوم

اول شي صبّحهم وربّحهم >> عاد اللي بيدخل وقت المساء يمسي ع نفسه مو مشكلتي


تعرفون تالي الليل تاخذك الأفكار والهواجيس وتلف العقول وتلف الذكريات وهه وهه وتحس انك سردادي مردادي وانت بمكانك

فـ من ضمن التفكورات اللي طرت علي قلت افتح لي محل فيذا ابربر فيه متى مابغيت واطلّع مشاعيري ومحاسيسي >>تعرفون حساسه وكذا>> قولوا ماشاءالله قولوا ماشاءالله بصوت الشعيبي




المهم اعرفكم ع نفسي المتواضعه::


انا الفقيره الى الله " صعبه "المكنّاه بـ اكتفاء الجميله
احب الونااااااسه اوي اوي واكره الناس البائسه من الحياه..
اكره المجاملات .. اقدس الناس الواضحه ،،

من عشاق سحلب والحلى مره مره مره.. عادي باليوم ثلاث اربع مرات
فيني عيوب من اهمها :

ينقلب مزاجي فجأه بدون سبب واصير رسميه لين يتعدل يعني تقدرون تقولون نفسيه بطريقه فخمه


مااحب اترجى احد ابدا ابدا ابدا حتى لو كان يسوى عندي شي كبير ..

اكـره التشرّه مااطيقه ابدا..

مو اي شخص اتقبله بسهوله يعني الأشخاص اللي اخذ واعطي واسولف معهم هذولا خلاص ارتحت لهم واخذوا قلبي من اقصاه وقفلت عليهم خلاص

اقدّر الصداقه جداً جداً جداً وصديقاتي يسووون عندي الدنيا ومافيها..


واخر اخباري
الحمدلله على يوم احتضنت فيه قطعة من قلبي . مولودتي الأولى وَتـين ..❤🥹
‏اللهم بارك لنا فيما وهبتنا واجعلها قرة عين.