ماأخفي عليكم اني ماعدت ازعل كثير وقلت حساسيتي من أشياء كثير
لمن شفت حال ولدي البكر مع التوحد لأنه حاله يزعل والله يعلم ولاحول ولاقوة الا بالله العلي العظيم
ولدي لمن اشوفه واركز عليه اتعب ماأتحمل لأنه يكسر الخاطر.. يرق قلبي عليه.. مايقدر يشوف احد.. يتعب ياعمري من التواصل البصري..
أتأثر كثير لمن أشوف أحد يعاني ولايعرف يعبر..
يمكن هو مايعاني كثر مااحنا نعاني بشوفته
قبل كنت العب معه العاب حركية مثل اونو و فور كونكت و السلم والثعبان له فترة يقول مايبي يلعب يمكن يتعب من اللعب او التركيز في اللعب
هذي المرحلة صعبة مابعد الطفولة
كان يحب يتابع القمر وتطوراته واطلع معه السطح
الحين مايبي ولايرضى
وكان يحب يروح الحديقة يلعب سكوتر او سيكل ماصار يطلب مثل قبل ولايهتم
حتى المدرسة مب عارفين نخليه يرجع يدرس
لانه مايركز معنا حتى لمن نكلمه صعب يستوعب
لمن اسمع ان فيه ناس مميزين معهم توحد
افرح لهم ربي يحفظهم
ولدي ماني عارفة ايش يصلح له لأنه مايعبر ولايبي اي شي
نقترحه عليه.. يضحك مع نفسه و يجلس وبس..
قبل كان يلعب في الاكس بوكس والعاب الجوال
له فترة مايبي يلعب في شئ
ودي يكون عنده نشاطات يحبها
الحمدلله على كل حال

ربي يحفظ أبنائنا ويصلح أحوالهم