من المهم جدا
أن يكون في بينك و بين نفسك حوار و كلام و نقاش
يكون بداخلك أكثر من صوت ..
عشان لا تصير بداخلك مركزية في التفكير و اتخاذ القرارات
في ناس بدون ما تحس تحط نفسها في خانة الصواب و الصح بصفة مطلقة
و في ناس تتقبل إنه الغير ينبههم لخطأهم
لكن في ناس - ليتني منهم - عندهم القدرة على اكتشاف و الاعتراف بأخطائهم قبل أن ينبههم غيرهم
تعرفون منو هالأشخاص ؟!
هذول اللي مشغولين بأنفسهم
و مو شاغلين نفسهم بمراقبة غيرهم كأن وظيفتهم بالدنيا استخراج الأخطاء السبعة في كل شخص بحياتهم
هالنوعية من الناس النجاح حليفهم لأنهم مشغولين بتطوير أنفسهم
و هالتطوير يتحقق من خلال محادثاتهم مع أنفسهم