*
*
أنا للحين أحبك ماعرفت أتجاوزك للحين
تروح سنين ويدور الزمان وحبك عباده
لو إن العمر يمضي في مدى ماهية ابن الطين
ترى انتي باقيه مهما مضى في بعاده أبعاده
حبيبة كل جرح وكل حزن وكل دمعة عين!
من العمر القصير للهفة الرجال لمهاده
صفا حنيته تعكس شقاوة طفله من سنين
وحنينه بعد رابع وارثه من خيرة أجداده
وش اللهفة اذا ما حركتك بدون ما تدرين؟
وش الدمعه اذا ما كانت لشرواه زواده؟
معك غاوي حزن لو خلفه من المجتمع غاوين!
غوا وانحاز لك وأنكر خناس وعاف ولّاده!
جزيئات الملام وتمتمات الشك والتخمين
إلى مالا مدى قهراٌ تموت بطارف وساده!
لا ترهقك الظنون وتتعبك ما بين حين وحين
مع كل صبح يقبل لك بشاير خير واشاده!
ترى انتي فارقه بالمرحلة والتجربة والجين
تحت موجات الاستغراب لك ياوخيتي عاده
*
*