يقول أحدهم لقيت شايب من خويا أبوي - الله يرحمه - فجلست معه وسولف علي عن أخباره أيام زمان مع أبوي وعن روحاتهم وجياتهم
ومواقفهم الحلوة.
وبعد جلسة حلوة ما تمل، ودعته وقلت له توصين بشيء ياعم؟
قال: أوصيك بثنتين:
1 - تقوى الله
2- احذر (يزملون لك)
قلت: شلون ياعم؟
قال: لا يزمل لك، يعني خلك سمح مع ربعك وجيرانك وعيالك وزوجتك.
لا ينقلون لك زمل. لا تصير كثير التشره، والتشكي والعتاب، لا تصير كثير الزعل.
تراي جربت الدنيا اللي يزملون له الناس ويدارونه لا يزعل، يكرهونه ولو كان أقرب الناس.

يازين وصايا الشيبان