06-20-24, 02:55 PM
|
#1 |
| بحة غياب | | | | | | | | | | | | | | | | | | | | | | | | | | | 
تصحُّر! … حصرية
*
*
*
بين تحديد المصير و خطوتين اللا مبالي
أي لمحة من شريط الذاكرة يمكن اتْصوَّر !
وأي لمحة تعتري قلبي و تْتسلل لبالي
خايفة تنفذ من إحساسي وخافت لا اتْبذَّر !
يا حبيبي آه لو ترجع ليالينا الخوالي
كم سئمت بسمتي الصفرا عن الناس اتْنكَّر
كل حاجة ماضية تجبرني أكون المثالي ..
والشعور الداخلي يملي على النفس اتْتحرر
ما على تبذيري من إحساس يا أعز الغوالي
غير قلبٍ من يديك العام لا زال / ايتفطَّر !
كل ما أضفى طاري الغيبة وسيلة لانعزالي
قلت ياربي تصبرني أنا احتلت أتصبَّر !!
كل يوم يمر غالي ، كل يوم يروح غالي ~
لين حتى بالي المزحوم …. ملْ ولا تذكّر !
خايف مع الوقت أستنكر من الوحدة ظلالي
وخوفي من الوقت خلى خوفي .. وظلي تبخَّر !
يوم أشوف اللي معي و أسترجع اللي مابقى لي
حزني المركون … دمعة عيني اللي ما اتْفسَّر ،
من كثر ما عقلي الواعي كشف خلف الليالي
إقترب مني التأمل ؛ وإبتعد عني المُشهَّر !
ما أكون بهالحياة الفانية .. إنسان بالي
من يكون إنسان بالي عقل ياكله التصحّر !!
*
*
* |
|
|
 |