طيب حيث اني باقي ليا لسه 3 ايام على الإجازة
ف أنا حبيت اثير الجدل شوية .. انا طرحت الموضوع دا للنقاش في منتدين قبل كدا طواهم الزمن ف قلت اطرحه ف المسك قبل ما يحصلهم هههه طبعا الموضوع باختصار هنتكلم فيه عن الحب العذري ..
وبردو باختصار الحب العذري هو حب بتسمو فيه الشهوة الروحية على الشهوة الجسدية..

احنا هنا هنحاول نناقش المعنى دا تحديدا في سؤال ..

هل انت تعتقد أن ممكن رجل يحب امرأة أو امرأة تحب رجل حبا روحيا فقط ..

بمعنى مختلف هل تعتقد أن لو قيس مثلا سمحت له الظروف أنه يقابل ليلي ف خيمة مفروشة او ايجار جديد ومطرفة كدا بعيد عن الناس.. هل هيقعد معاها يشبع نفسه روحيا وبعدين يقولها سلام عليكم

بردو علشان الموضوع لا يتشعب مننا أنا مش بناقش الحلال من الحرام أنا بتكلم عن طبيعة بشرية ...

هل الحب العذري بالمعنى دا وهو إشباع الشهوة الروحية وليست الجسدية موجود ف الواقع .. اليكم الميكروفون