شوفي
احنا برمضان لما نصوم في البداية نتعب ونمرض
بس نصبر ونستحمل مع الوقت ما نحس بالجوع حتى لو صايمين

نفس الشي بالمشاعر والعواطف
صومي واصبري واستحملي
مع الوقت بيصير فيك تبلد وما بتهتمين ل شي
كل شي بيصير عادي وممل

لكن لا تخافين من التبلد لأن إذا تزوجتي بترجع مشاعرك

أهم شي حطي في بالك ما بُني على باطل ف هو باطل
عشان تمنعين نفسك من الغلط

ثاني شي
لا تقبلين رقم أي شخص ولا تعطين أحد رقمك
حتى البنات إذا ما تعرفينهم بالواقع لا تقبلينهم

لا تشاركين بمواقع التواصل خليها للمتابعة فقط أو للتواصل مع الأقارب
وإذا شاركتي بالمنتدى خليك في حالك
حتى لو قالوا معقدة ونفسية
أحسن من أنك تصيرين اجتماعية وبعدين ينشبون فيك
وتقعدين تجاملين ويأذونك بالتصرفات والكلام

ولا تطلعين من البيت وحدك دامك تقولين خفيفة
وإذا طلعتي من البيت حتى لو مع ناس
لا تطلعين إلا وأنتِ مصلية ومحافظة على الأذكار
عشان يبعدون عنك شياطين الأنس والجن


وأهم شي النية
إذا نيتك طيبة الله بيحفظك
حتى لو الناس حاولوا يغرونك بكل الطرق

وانتبهي لا تظلمين أحد ولا تغتابين أحد
لأن والله شفت ناس كانوا زينين لما عرفتهم في البداية
بس انقلبت حياتهم بسبب الظلم والغيبة والسخرية من الناس
" لأن من عاب ابتلي "