اتذكر اكثر ثلاثة مواقف كان ابي فيها
بقمة صرامته وحزمه علينا
طبعا نحن البنات
الاولاد واصل وهو وياهم في حرب وجلد
يعني الي يسمع رواية ابي من جهة بناته
او بنات العايلة ككل
وبعدين يسمعها من اخواني واولاد العايلة
بيحسبوا انه كل طرف يتكلم عن شخصية أخرى
مغايرة ههه
اتذكر كان يصف اخواني بخط مستقيم
ثم يعطي كل واحد فيهم جلدة
وانا الوحيدة الي كنت ادخل في الخط وامسك
يده او ادافع عليهم
خاصة لو ما عملوا حاجة تستاهل
بس انه مش كثير يضربهم
مشكلته كان يجمعها لهم وبعد صبر
يجلد ههه

المهم مش ذا موضوعنا
اكمل قصتي
اول مرة اجتمعنا
الصغيرات والكبيرات
وخلانا حلقة حوله
وقال لنا كلمات ما انساها بحياتي ابدا

الي تحب حد وتبيه تجي تكلمني بنفسي
وبعمل بكل وسيلة عشان
ازوجها إياه
الي ترتمي عليه او تسوي شي ثاني
سر عني
انا متبري منها ليوم الدين
وصدقوني محد تجرأت لا تعمل الاولى ولا الثانية هه

الاجتماع الثاني كان بسبب قصة حدثت لبنت الجيران
وما بدخل بتفاصيلها
لكن الأب مات عشان يدافع عن بنته
ف الناس لامتها انه قتلت ابوها وكذا
ف ابي جمعنا كلنا برضه
وقال كلمة ثانية
انا بعمل وبسوي اي شي عشان بناتي
وبضحي بحياتي وكل ما املك
بس ممنوع حد تخبي عني أي شي
يضايقها او يزعلها

وصار الحدث الثالث
و زوج وحدة من خواتي وزعلها
يعني كانوا يتجادلوا ومشكلة بينهم
ف هي علّت صوتها وهو اخذ يده وضرب فمها
زيما تقولوا يبي يقولها اسكتي لا تفضحينا هه
بس الي ما يعرفه انه محد مننا ممكن تفوت كذا شي
كنا في القرية ذيك الفترة
المحروسة الله يصلحها اخذت نفسها وجاءت لبيت العايلة
تشتكيه لأبي
وابي عنده حد يضربه ولا حد مننا تنضرب
هو بنفسه ما عمره لمس لنا يد او خد
يجي واحد حي الله يعمل كذا هه
صار وجمع اعمامي وكبار القرية في مجلس
وخلى الحريم في المجلس الثاني
وتكلم الكلمة الثالثة الي ما بنساها ابدا
الي يضرب بناتي اكسر له يده
بنتي تجيبها لعندي واربيها قدامك
انا اعطيتك اياها كاملة الكرامة والعقل
ترجعها لعندي وانا مسئول عنها قبلك

ومن يومها بس حد يتجرأ يأذينا يعرف وش مصيره