من حبي لها مرة من المرات
كانت معي فلوس
واصريت ع امي اشتري كعب
مش اي كعب
لأن الجزمة ابو حزام الي مرتفعة
عن الأرض ثنين سنتي امي تسميها كعب
لا قلت لها ابغى كعب كذا
وفتحت شبر يدي
بصراحة ذاك الوقت كان الشبر
ضروري جدا
القصر لا يرحم " ولازال هه "
انا لو بيدي اشتري معمل احذية من حبي لهن
ما علينا
امي رفضت طبعا
لكن طلباتي قليلة جدا بل شبه نادرة
يعني لا اتدلل عليه كثير
ثانيا كانت فلوسي
وهي تسمح لي بشراء اي شي
فيها
عندها شوي ديمقراطية
كما يقولون

مرت الأيام واشتريته
كان مخطط ابيض واسود
مثل حمار الوحش
ذوق انما ذوق
وبيتنا المرتفع بدرج عن الحارة
وفي كل عرس
اجاهد في النزول والطلوع فرحانة فيه