أعتقد هالشي له علاقة بلغة الاهتمام
بغض النظر أنثى ولا ذكر
ومو كل صديق يعني أنه مناسب يكون رفيق حياة

ويمكن هالشخص تواجد بحياتك عشان تعرفين أنه ما يناسبك اللي مثله
الناس الخطأ يعلمونك كيف تختارين الناس الصح

المهم
بعيداً عن هالشخص اللي واضح جداً أنه ما يناسبك

إذا انخطبتي في المستقبل
بفترة الخطوبة أو الملكة لازم تشوفين لغة الاهتمام
وهل هي تناسبك ولا لا
ونفس الشي هل لغة اهتمامك تناسبه ولا لا
وعلى هالأساس قرري إذا تبين تكملين أو لا

بقولك قصة شفتها بفيلم قبل فترة

في وحدة كانت مخطوبة لشخص
وهي كانت تحب التصميم وصممت دولاب ملابس
وراحت توريه تصميمها
بس هو ما اهتم للتصميم ولا قال رايه وجرح مشاعرها
وقال لها أنا ما تهمني مثل هالأشياء
وبعدين انفصلوا وهي زعلت شوي

بس بعدين بالصدفة وهي مسافرة لمنطقة ريفية
لقت شخص نفس اهتماماتها
وصارت أحداث
وفي النهاية اختارت هذا الشخص اللي مثل لغة اهتمامها

تقدرين تعرفين لغة الاهتمام
من كلام الشخص وعلى شنو يركز لما يتكلم
وأحسن شي تختارين اللي نفس لغة اهتمامك
لأن بيكون التعامل أسهل

وثاني شي لو حاولتي تغيرين لغتك عشان ترضين أي شخص
في النهاية راح تملين وترجعين لطبعك
يعني لا تغيرين نفسك عشان ترضين أي شخص
لأن هالشي جداً مُرهق ومُتعب وبتحسين بضغط نفسي لما تجاملين

وإذا لغة الاهتمام مناسبة راح تتعاملين بسهولة وبساطة بدون تكلف ولا مجاملات

وعلى فكرة مرات ممكن الناس يلاحظون اللي يناسبك أكثر منك
لأنهم ينتبهون ل درجة التوافق بينكم