أول مرة ما فهمت فيها مشاعري كانت بسبب اخي
جرحني مرة بدون وجه حق
كانت اول مرة انصدم فيه
اول مرة يتعامل معي بتلك الطريقة
ما عرفت اتصرف
لا بكيت
ولا عاتبت
ولا تكلمت
قفلت ع نفسي باب
وسكت
سكتت عنه سنتين كاملة
في بالي اني احرمه من صوتي
حتى يشفى غليلي
عقاب كافي
ما توقعت انه كان عقاب قاسي كثير
سنتين كاملة حتى النظر لوجهه
ما كانت انظر له
بالبداية كابر وما صالحني
بعدها بدأ يحاول
بس تأخر كثير
ما كان له حق يسكت مني زيما سكتت
و ذا زاد الألم في نفسي
واصبحت مصالحته اصعب
دخل وساطة كثير
وما نفع
دخلت والدته ووالدي بالأمر
حاولوا بس ما نفع

لين برد الخاطر منه

الان ما يقدر يزعلني بهمسه
ولا اقدر ازعله بحرف
قويت علاقتنا كثير

بس ذاك الموقف ما يروح من بالي

لأنه حسسني كيف انه ممكن احيانا أكون قاسية
كيف الصمت قاسي

اصبح الي احبهم اعاتبهم اصرخ فيهم
اسوي كل شي
لأني لو سكتت اكون قاسية كثير
وما ارجع بسهولة