مرحبا بالجميع
مين أنت ؟؟
طيب تعريف بسيط عني
_ زوجة وأم لشابين ما شاء الله
_ ترتيبي الأوسط بين اختين بنات
_ والدتي عايشة الله يديها الصحة ووالدي متوفي الله يرحمه
_ اسمي من ثلاث حروف
_ مواليد الإسكندرية لكن مقيمة في القاهرة
^ كفاية كده والا تاخدوا العنوان
ندخل في التوجهات مش حصنف المميزات والعيوب .. انتم خدوا المكتوب كده من غير نقاوة
_ أولا تفكيري حر لا اتأثر بآراء غيري بس عندي استعداد اتقبل النصيحة لو اقتنعت
_ متحررة في بعض الأمور لكن لا أضر غيري
_ ديمقراطية جدا وبعترف بكامل حريتك في رأيك حتي لو عارضني
_ لا أعترف بالمساواه بين الراجل والمرأة
_ عنصرية جداا في بعض الأمور
_ مشكلتي مع الحياة اني عايزة اقتنع ومشكلة الحياة معايا ان معندهاش اللي يقنعني
_ معقدة من النساء ومفيش بيني وبينهم اي عمار
_ الحمد لله معنديش أصدقاء علي أرض الواقع
^ تقدروا تقولوا موبايلي مش بيرن أصلا
اه نسيت اقولكم اني بتنرفز جدا لو موبايلي رن . في الحقيقة معرفش السبب لكن هي حاله كده بتجيلي أول ما بيرن ببقي عايزة أكسره
_ محبوسة في الماضي مع الأسف وعمري ما عرفت اخرج منه
_ انثي بدماء رجالية بمعني تفكيري وحكمي علي الأمور رجالي بحت
_ بعترف بصداقة الولد والبنت بس لو عندي بنت وجت تصاحب حقطع رقبتها
^ شاكه ان عندي فصام في الشخصية
_ ضد عمل المرأة إلا لو كان بزنسس خاص بيها تفضل عندي مش وش مرمطه
_ الفيزا بتاعتي منتهية بقالها سنة والبنك فاضله شوية حيبوس رجلي علشان اروح اجددها وانا مكسله
_ بيتوتية جداا
_ استغفروا الله العظيم بكره الشمس والنهار والصيف
_ كائي وطواطي بجدارة اعشق الليل والشتاء ومش بخاف من الضلمة
_ بترعب من المجهووووووول
_ عندي كل الفوبيات اللي اخترعوها واللي لسه حيختروعها
_ زي القطط ب سبع أرواح .. تقدروا تقولوا بنت موتة والحمد لله على كل شيء
^ يا خبر انا سرحت في الكتابة كفاية كده زمانكم زهقتوا
تحياتي للجميع
.