مرحبا بالجميع
والله انا شايفه ان الموضوع الاحساس بيه نسبي . بيختلف من شخص لأخر
بمعني ...
اللي قعد حوش وتعب علشان يشتري حاجة هو نفسه فيها بغض النظر عن هي ايه
خوفة عليها حيكون مضاعف مقارنة ب حد تاني اشتري نفس الحاجة من وسع
يعني لو لا قدر الله حصل لها حاجة ممكن يعوضها بسهوله
اه حيزعل عليها لكن مش بنفس القدر اللي حيزعل عليها الأول اكيد زعله حيكون اضعاف
انا شخصيا
عادي مش بيفرق معايا
اغلب الحاجات الغالية بتكون خاصة بالمطبخ
الحالة الوحيدة اللي ممكن ترعبني لو الشباب عندي استخدموها
خاصة هما ميعرفوش الفرق بين المعلقة والشوكة
^ وصف مجازي
ف بالتالي اي خسائر حتكون منهم مش مني لأني بحب استمتع بكل جديد سواء غالي او رخيص
واستخدامي للحاجة عموما ب حرص واهتمام مش بأهمال ف بتعيش
والشيء ب الشيء يذكر
ابن اختي لما كنا اخر مرة في زيارة لهم كان معاه موبايل
انا في الحقيقة مشوفتش الموبايل بابا الأولاد اللي بيحكيلي
المهم الموبايل ما شاء الله تبارك الله عجب الباشا وقرر يجيب واحد
ف بيسألة بكام يا أحمد ؟
قاله والله يا عمو لو عرفت سعرة ل تضربني
ب مائة الف
انا سمعت الرقم اتصدممممممممت
تصدق بالله من ساعتها مرعوبة علي تليفونه يمكن اكتر منه
خايفه لا قدر الله يضيع منه والا يجراله حاجة واديني مش دافعه فيه مليم
وكل شوية اسأل نفسي سؤال
لو لاقدر الله الموبايل ده حصل له حاجة مشاعر أحمد ساعتها حتكون ايه ؟؟
يالا ربنا يستر
مودتي لك أخي
.