يقول ابي
اني كنت طفلة هادئة جدا الأ من شيء واحد
أي شيء يخصه يستفزني
اي احد يلمس أبي احقد عليه
اكرهه
اي احد يأخذ ملابس ابي ممكن اضاربه
واظل اصيح طول اليوم
أي احد من الأطفال يكون بحضنه
اجري اجري
لين امسكه وما اسوي فيه الأ شيء واحد
ما اضرب ولا امسك شعر
ولا ابخش
انا فقط اعض اعض
لما اخرج الدم
وما يفكوني الأ عشرة
كانت بنت عمي الي اكبرها بثلاثة ايام
والي تحب ابي زي بقية الاطفال
طبعا كل الاطفال يحبوا ابي
نعم معهم اباء وامهات
لكن ابي ملك للجميع
يحب الجميع ويحبونه
عشان كذا كلما اشوفها اعضها
واذا راحت بيت جدها في قريتنا
قبالنا بالضبط بس مسافة
من بعيد يبان
فكنت اقنصها من بعيد واشحذ اسناني
وانا اشوف صورتها البعيدة جدا
