بصراحة أنا فكرت ممكن يكون سبب ثاني
لأن قد شهدت قصة لوحدة
هي بعد أمها توفت
المهم أنها تعرضت لصدمة بسبب أنها انحرقت لما كانت صغيرة
حتى أن سبب الحرق وراه قصة مو حلوة بس ما بذكرها
طبعاً صار عندها آثار للحروق
ومن الصدمة بعد صار عندها فصام " الشيزوفرينيا "
ومرات تعصب فجأة وتكلم نفسها
أو تصير كأنها تتكلم مع ناس بس مافي حد
وحتى الآن ما تزوجت بسبب حالتها النفسية
ولأن عاشت فترة طويلة ما تحتك بالناس كثير
لأن يظنونها مجنونة
رغم أني لما أكلمها أشوفها طبيعية وفيها ذكاء
وعندها ذاكرة قوية ما شاء الله وقوة ملاحظة
بس ما عندها خبرة في الحياة ولا كملت دراستها
قصتها أثرت فيني
خاصة لأني كنت طفلة والأطفال كل شي يعلق في ذاكرتهم
ولما كبرت صرت أقرأ عن علم النفس والصدمات النفسية
وكثير عرفت أشياء ما كنت أعرفها
وفي وحدة ثانية بعد لها قصة وتجربة مشابهة
وقصص ثانية قرأت عنها وشهدتها بنفسي وهكذا ..
يعني مو شرط اللي ما تزوجت
تكون مثل ما يظنون الناس