10-04-23, 06:57 PM
|
#943 |
| ،،،أستاذ تعبير،،، |
سرى ليلي على الطاري ولا بد الليالي تشيب
يبين النور من عقب الظلام اللي تشوفينه
خطير إني عليك ان غبت يالمزيون أشق الجيب
مدام انك سكنت القلب لاتهمل شرايينه
رجيتك لا تجرب لهجة الترغيب والترهيب
وسِلْم العشق والعشاق ماتجهل قوانينه
لك الحب المطرز بالوفا والود والترحيب
يفداك العمر ياكل الغلا ياشمعة سنينه
تطاوعك القوافي كلها بالوزن والتركيب
بْشعرٍ مقصده يرضيك في لونه وتلحينه
يسج بي القدم وأهيم من شانك بكلّ شْعيب
حرام اللي يحبك كيف ياحبه تخلينه  |
|
|
 |