من كم يوم قرأت تدوينات كتبتها في بداية مدونتي
وانصدمت بكمية التغيير اللي صار لي خلال الفترة القصيرة هذه
عجيب شلون نكبر! واللي يفرّح ان نشوف نفسنا صرنا احسن من اللي كنا عليه،
الاشياء اللي كانت قبل رعب وبعيدة جدا وصعبة صارت حاليا سهلة اسهل من شرب الماي
وكل شكواي القديمة والشغلات اللي كانت زاعجتني قبل بطلت تزعجني حاليا !
ان شاء الله يجي يوم وتصير فيه سوالفي عن امراضي ماضي رغم اني ما اشارك عنها
![ابتسامه](images/smilies/yahya/1.png)
فخورة جدا بالتطور اللي يصير لي واللي بيستمر ويصير احسن منه ان شاء الله
![Ah11](images/smilies/yahya/ah11.gif)
من كم سنة، حلمت بأمي مثل العادة، وبالحلم قطعنا انا وياها وعد : انها تجيني بالحلم المرة الجاية وانا بنتها اللي تفتخر فيها، ما كنت ادري وقتها ان بتصير كثير موانع تخلي المرة الجاية هذي تكون بعيدة جدا، للآن ما جتني مرة ثانية، بس كل يوم يمر يخليني متحمسة اكثر واكثر للحلم هذا، عقلي كثير يتخيل سيناريوهات شو ممكن بكون عليه لو هي موجوده الحين.
عجيب! كيف صارت لي فرصة احقق وعدي هذا اللي ما توقعته يصير
الحمدلله لكونه دائما معي ويبعد عن طريقي كل سوء
![Dl3](https://www.al2la.com/up/uploads/images/domain-1a7bdb1119.gif)
الحمدلله الذي ما زرع في قلبي يوما رغبة لشيء إلا وعندي قابلية تحقيقه
![Dl3](https://www.al2la.com/up/uploads/images/domain-1a7bdb1119.gif)
اتمنى من كل قلبي ان يكون الجاي احسن وان يرزقني الله الصحة لأعيش القادم
ان شاء الله ما اخسر شي او شخص ممكن يغير طريقي الحالي
ان شاء الله القادم افضل للجميع
![نبض](images/smilies/icon26.gif)
.