قهوته أمّه المغرب استغرب من قهوتها.. طعمها متغير عن قهوة الصبح ..
مافيها هيل.. سألها بكت ثم أنشدت :


| قصيدة الهيل |

صالح وأنا امك ما انت باليوم راضي
من دلةٍ قمت وعلينا تلومون

أمك تحب الهيل والهيل قاضي
واللي يجيب الهيل بالقبر مدفون

لو هو إذا صيحت يسمع هياضي
والله لجمّع كل ربعي يصيحون

عيالنا يتمان والجيب فاضي
في بيتنا عشرة يتامى يجولون

ما قدّره رب السماوات ماضي
الفقر ما هو عيب يا اللي تعرفون

راضين بالحالة بدون اعتراضي
يا عيال ما ودي عن الفقر تدرون

يا الله يسخر من يجيب المقاضي
يا ربنا ندعيك يا خالق الكون