وابالي اللي كل ما قلت يهَدِي
لا راح همٍّ جاك همٍّ مِبتدي

كل الهموم لحال و الصدّه لحال
همٍّ لحاله ويحدَى نومي حَدِي

على السهر قضيت ليلي ما استفدت
إلا الدموع اللي على الخد تعدِي

تمرح وأنا ياعين أبويا في نكد
وأنا لهيب الشوق ما حنّ جسدي

خذ راحتك في غيبتك وإلا أنا
الحبّ بعدك غاسلٍ منّه يدي

ماهو بــ كُره ولا زعل وإلا كبر
حاول تفهَمني وتفهم مقصدي

وش عاد لو أحب غيرك وأعشقه
ماحدٍ معوضني غيابك يا بعدي

مانافسك عندي من العالم أحد
على كثر ما أعض بأسبابك يدي

ماعاد لي جـِدى بعد كل الغنا
ومناشد العربان وصّلني جْهدي

يااللي تشوفونه وش علومه عساه
يذكر محبٍ بالهوى جرحه نِدي

تقطّعت كبدي على شوفَتْه مير
دونه مسافات وليلٍ سرمدي

ما اخلفني إلا الحبّ ملعون الثوى
اللي تردّي بي وانا ماني ردي

قبله معيّن خير وشبوحي شبوح
وأردى طموحاتي ورى نجم الجدي

لكن قولوا للحبيب اللي قسى
إنّي على ماكنت وافي بعهدي

والله و رب الكون و البيت الشريف
ما يشاركه في الحب لو ولد ولدي