اعترف
امبارح فتحت درفة دولاب المطبخ اخد منها حاجة ف الحاجة دي وقعت علي الأرض ف انا نزلت علي الأرض علشان اجيبها وانا قايمة دماغي لسبت في الدرفة
عارفين فيلم عنتر ولبلب لما عنتر كان عنده بوقليلة في دماغة
انا عندي زيها في دماغي
.gif ":فطسه:")
المهم ان الخبطة كانت جامدة .. دخلت ل مصطفي
شوفت يا صاصا مش انا اتخبطت
معلش يا ماما بس بلاش توصفي علشان انا قلبي بيوجعني من الحاجات دي
دخلت ل دودي شوفت يا دودي مش انا اتخبطت
معلش يا ماما خدي بالك المرة الجاية
دخلت للباشا .. شوفت مش انا اتخبطت
معلش معلش بس ايه الجديد انتي بتتخبطي عشروميت مرة في اليوم
خدي بالك المرة الجاية والا تحبي اسفرك ألمانيا تتعالجي
رجعت تاني ل مصطفي
شوفت يا صاصا مش انا اتخبطت
ههههههههههههههههههههه
^ شكل الخبطة عملت ليه ارتجاج عماله الف عليهم
يالا الحمد لله وأجر وعافية يا انا
^ قصة حياتي علي الصبح
.