ً
ً
سؤال يدور في عقلي من اول
ليه لما يتزوج الواحد
يقرر هو وزوجته ويتفقون
ان يبقون اول سنة زواج
بدون ما تحمل الزوجة !

طبعاً يقولون عشان ننبسط ونرتاح
وناخذ حريتنا ونطلع وننزل
ونروح ونجي على كيفنا ..


شخصياً ما اشوف فيها شي
بس سنة اظن كثير
يعني لو نص سنة ماشي
لان سنه ومع موانع الحمل
فيها مشاكل كثير واضرار
وفيه ناس بعد سنة الزواج
ما حملت زوجاتهم وحاولوا
وراحوا لكل المستشفيات
ولكن ما صار فيه حمل
وبقوا سنوات على ذا الحال

ولان سنة بدون حمل
ممكن تجعل الشيطان
يسبب بينهم خلافات
ثم يوسوس لهم ويقول
لو تتطلقون الان افضل
لانكم باقي خالين من الاولاد
ومافي شيء يربطكم
ويمكن الزوج خفيف عقل
ويروح يطلق ويقول
الان اطلق قبل لا يجي اطفال
وممكن الزوجة تقول نفس كلامه
وتطلب الطلاق كذلك

احنا نتزوج عشان يصير عندنا اطفال
ومافي شي اسمه استغل وتمتع قبل يجوك اطفال
لان اصل المتعة كما في الاية في المال والبنون
ولان الانجاب المبكر افضل بكثير من التأخر
ولما يكون عمرك متقارب مع اولادك
يكون التفكير بينكم اكثر انسجام وتفهم
واكثر مرونة واسهل تواصل
بس لما يكون عمرك يفرق كثير عن عمر ابنك
تكون وجهات النظر بينكم متفاوته او متنافرة
وصعوبة في التواصل بينكم
والاختلاف في التفكير والفهم

وكذلك سنة اول زواج بدون حمل
ما احد يضمن فيها نفسه
ممكن احد الزوجين يتوفى .. والاعمار بيد الله
لكن لما الانسان يصير عنده ذرية
تدعي له من بعده
وتتصدق عليه وتستغفر له
افضل بكثير من اللي ما عنده ذرية


عموماً كل اللي طرحته
يبقى وجهة نظر شخصية
ودردشة فكرية خفيفة
ِ