ً
ً
ودي اعلق على موضوع اللي تقول
بنتها مو راضيه تلبس النقاب
بالاساس اسمه حجاب مو نقاب
ما علينا ..

فيه امور تجي بالاقناع
وامور تجي بالحزم
مثل الصلاة تجي بالاقناع والتعويد
ولكن عند سن معين تكون بالحزم
" واضربوهم لعشر "
هنا يقرر الشرع بان الحزم يجب ان يتدخل
فالامر ليس رأي وقناعة وحرية
بل حزم وجزم وتربية جديدة من نوع اخر
لان النفس في هـذا السن تحتاج لمثل هذا الادب

كذلك الحجاب يحتاج الى حزم وجزم
قبلها الاقناع والتربية لانها تمهيد
ولانها تعتبر اساس لما يكون
ولكن ان حصل وما كان هناك استجابة
والسبب ظروف المجتمع واللي يصير فيه
هنا لابد يتدخل الحزم والضبط
وتعرف مو بكيفها ما تتحجب
هنا نقول لها لا ولازم تتحجبي
تقول لا وفلانه ما تتحجب وهي اكبر مني
نقول فلانه مالنا علاقه فيها
لنا نظامنا وتربيتنا وفهمنا وقرارنا
مالنا علاقة في غيرنا
ولذلك تتحجبي يعني تتحجبي
تجي وتسوي حركات وضاع النقاب وكذا
نقول لها النقاب بداله نقاب مو مشكلة
بس يضيع مره ثانيه راح تتعاقبين

القصد هو الجزم في مثل هذا الامر
لان التساهل فيه يوصل للتبرج
ثم الى التمرد ثم الى الدشارة والفضايح

فيه نقطة مهمة :
من يقول اخاف تشتكي على حقوق الانسان
هذا اصلا لا يستخدم الحزم والضبط
ولا حتى يفكر في مثل كذا
لانه بالاساس مهمل وتارك الدرعا ترعى
اقصد فالت من اول ومعودهم على الانفلات
لذلك ما يصلح له الحزم والضبط
لان بالفعل راح يغربلوه غربله

المهم لازم نفهم بان مثل ما احنا
نجبرهم على الاستيقاظ الصباح
عشان يروحون المدارس
سواء كان الجو برد او حر
فلازم نجبرهم بالقيم والمبادئ
ومو نكون متفاهمين وطيبين
اذا كان الموضوع حول الحجاب والصلاة
ودكتاتوريين حول المدرسة والتعليم والمستقبل


ِ