هلاااااا بالكل
احس نفسي من زمان ما كتبت موضوع
وبصراحة اشتقت لمواضيعي
(( تعرف نفسها محد مشتاق لمواضيعها قالت اجبر بخاطر نفسي ))
يلا عاد بلا رفع معنويات
مواضيعي لليوم
(( للجدد بس متعوده الاخت تكتب مواضيع داخل موضوع ))
يعني 10 في 1
مو دعاية كلش
الموهيييم
لقطات من واقع الحياة
يعني
نشوف شي في حياتنا العادية ونستغرب منه او يضحكنا اوينرفزنا
بس تظل حقائق من واقع حياتنا
(( المشهد الأول ))
مشهد يتكرر يوميا قم وقم وقم الخ الخ من قم وما فيه فايدة
كان المنبة اول من اعلن ساعة نهوضك لكن محد مضيعنا الا بنام بعد 5 دقايق بس
كأن بالخمس دقايق بتصير المعجزة وبتشبع نوم


المهم
تبدأ الوالدة معاك بأدب تستأذن بطرق الباب ولا من مجيب

ما فيه فايدة خلاص قررت تخترق حصنك اقصد غرفتك
اول ما تفتح الباب كومة من اشياء متناثرة


(( غرفة شاب البنات طبعا لأ ))

وبعد الاختراق بنجاح (( متعودات الوالدات على الهكر بس بطريقتهم ))

قم قم يا ولدي الله يهديك
الولد : 5 دقايق بس وتمضي الخمس وبعدها خمس
خلاص قالت للحكومة مظطرة (( الوالد طبعا ))
والوالد الله يعطيه طوله العمر : فززز يا فلان جعلك الماحي
ويفز الولد دون التفوه بجملة الخمس دقائق (( ناس تخاف ما تختشيش ))


ويدخل (( اعزكم الله )) الحمام ويفتح الماي ويطالع نفسه في المنظرة (( المرآة ))
ويخلي الماي يهدر (( طبعا الماي ببلاش وابو بلاش كتر منووووو))لا زال يطالع نفسه


واللي يسلمك شتشوف (( خل عندك أمل الله كريم يمكن تصير ستار يوما ما ))
الموهيم
يسمع صرخات الوالد يكمل بسرعة ويظهر


(( هذي يوميات طالب من طلابنا ))