.. .. همسه .. التصميم ممتع لكن متعب صراحه متعب من نااحية انو لمن تنتهي وتستقر ع اللون النهائي اويلي كل شوي بخاطري لون وكل شوي اشوف انه يبغاله اكثر لو ما انزله احسني اتردد فيه واعدل به مليون مره وكل ماطولة كل ماطلع شيء معي والف حوسه وحوسه عشان كذا مستحيل اقفل العمل لليوم الثاني اكمله بتصير مصيبه بنفس اليوم اذا ما انتهى يعنني احذفه واريح ضميري من التعذيب لان اذا جا بكره بلعب فيه واخبص به لين يقول قل هو الله احد من زمان بالي موب طويل مع التصميم احسو قصير اذا ماضبط معي بنفس اليوم احذفه وارتاح منه ولا يجلس بخاطري لين بكره وبكره اسوي من جديد احسن منه ما انكر فقدة الفوتوشوب لكن مالي خاطر به قمت التناقض .. ابي احد يرتب لي لابتوبي مقربعه النفعه اللي به ومافيني ارتبها انا مدري وشوله ما اسمي المجلدات والملفات المفتوحه زي الناس احس احد يجري وراي اشخبط عشوائي واذا جيت ابي شيء اكون مانيب فاكره وش اسمه لان ذا مو اسم اللي سميته شقدفه اوووه حتا اذا نزلة صورة ورده اسميها (( بمستبمخبتخق )) آه يا ربي مني والله كل مره اقول اخر مره وللحين ماسبت هالشيء وودي من جد اسوي فورمات وارجع كل شيء ارتبه من جديد لكن ارتب القديمه لا خلاص من اليوم كل ما افك لابي وابي احفظ شيء بسميه عدل عاد هالمره قرار نابع من قلبي باذن الله باذن الله والقديمه نخليها لين احصل احد يرتب لابي او افضى نفسياً لان بالفعل انا فاضيه لكن نفسيتي مو فاضيه وبعدها اسوي حفله لي بمناسبة ان لابي ترتب عفشه