بربره... =¶

**أنوآر** · 04-13-17, 04:42 AM

الفئه الزرقاء في هالمنتدئ احسهم جديين مره

المفروض يغيرون اسمائهم لمجموعه العرايف
والي يسوي شي يكتبون جنب اسمه مكرر

لو انهم يكونون مرحبانيين شوي زياده كان ياسلام

...تحبكم ونمزح معاكم

**أنوآر** · 04-18-17, 02:37 AM

صباح الورد يامدونتي
الغبار معبيكي
نعتذر ع اهمالك

**أنوآر** · 04-18-17, 02:55 AM

تصدقون!

السوالف مع الناس الشكايه تنرفزني وتكدددرني وتضيق خلقي

بصراحه هالفيس يكون بداخلي
متئ يخلص حزنه ومئاسيه (
احس لما اخذ واعطي معهم اكون مقيده بسلاسل !!!

يالله شقد الطاقه السلبيه الي يحملونها بداخلهم تقتل الي حواليهم !
ليش الواحد يقعد يتمسكن ويشكي ويشششكي ويقول كل اسرار حياته
ايش حيستفيد غير انه فضح نفسه وطفش الي حواليه وكدرهم

الحياه هذي فيها بلاوي كثيره
لازم الانسان يمرن نفسه على الصبر
البلاء سنه الله الجاريه في خلقه
لازم من الصبر
ولازم ينظر للحياه بنظريه ايجابيه اكثر
مافي انسان بهالكون مرتاح
لازم الانسان يلون حياته بالتفائل
مافي انسان تخلو حياته من الهموم والغموم والمشاكل
لكن يضل عندنا رب يسمعنا ويسمع شكوانا
الشكوى لغير الله عمرها ماكانت فيها فايده

صدقني
بسجده اخر الليل ودعوه !
راح تنحل كل مشاكلك

**أنوآر** · 04-20-17, 03:04 AM

صباح الليل ياساهرين الليالي

ماقدرنا ننام قلبنا العاشق الولهان منعنا من النوم

ااه القلب المحتاس ضيع وايد ناس وانتا انسان حساس والفاس طاح بالراس

-------
لاجد
والله شكلي زودت جرعه الكافيين امس
شربت قهوه وقشر وكابتشينو

قال ايش قال ننام
الا كويس ماطلعت اركض لهم بالشارع حافيه من النشاط
واغني لهم سواح

**أنوآر** · 04-20-17, 03:14 AM

احب هالانشوده ولو ان الكل سامعها
بس مايضر نرجع نحطها لكم هنا
صراحه كلماتها تشبهني>>تتقمص دور المجروحه

https://youtu.be/V9FaTGOXI8U

ياحبني لك ياحمود اكثر انسان اسمع له
-ركزو عليها بدون موسيقى هيا لاجي بكره واشوف نفسي في برميل المنتدئ

**أنوآر** · 04-22-17, 05:34 AM

صباح الورد اسعد الله صباحكم بكل خير

اما بعد..
اكثر شي متعب في الحياه انك تكوني خاله لبنت متتعبه ومتطلبه
اليوم كان يوم ميلاد بنت اختي صار عمرها 12سنه
تخيلو 12سنه من الكفاح في الحياه 12سنه من الجهاد في هذه الدنيا
البنت كانت ساكته عن حقها في انهم مايسوون لها حفله ميلاد
لكن لما صارت مراهقه طلع القرن الي براسها وصارت تبي تدلع قدام صديقاتها في انها الدلوغه الغندوره الي كل طلباتها اوامر
...
المهم هالبنت كل يومين ترسلي بالواتس
ياخاله انوار انا ميلادي قرب
وياخاله انتي ماتستحقي تكوني خاله
وياخاله لازم تحتفلو فيني
وياخاله انا لازم اصور سنابات حلوه لصديقاتي!

لازم اوريهم اني مهمه وانكم تسوون لي حفله

المهم جت ليلة يوم ميلادها
والبنت شافت ان الكل ساكت وساحب عليها
وجت لعندي تتبكبك وانها حزينه
وانها مضلومه وان الكل يكرهها وانها بتنتحر خلاص

فقررت اسوي لها حفله من حسابي ولو اني مطفره
ضليت اجهز لها من الظهر للمغرب وجمعت الكل
علشان تصور سناب وتوري صديقاتها!!!
وتقهر للوش صديقة ندوش بنت خالة رنوش بنت عم فتوش الي تقرب لزلنطعوش من بعيد

احححح يلا ماعليه احتفلي جعل مايحتفل غيرك>>ماحد حاقد

أدوات الموضوع
• مشاهدة صفحة طباعة الموضوع • أرسل هذا الموضوع إلى صديق
انواع عرض الموضوع
• العرض العادي • الانتقال إلى العرض المتطور • الانتقال إلى العرض الشجري

المواضيع المتشابهه للموضوع : بربره... =¶
الموضوع	كاتب الموضوع	المنتدى	مشاركات	آخر مشاركة
الفضفضه ..علاج ...ام ..ثرثره ؟؟	general	قسم الحوار والنقاش الجاد ••	11	09-04-16 10:16 PM
ثرثره ع وتر الكرمات	عزف ~	ابداعات أقلام الاعضاء الحصريه للمنتدى ( أقلامُنا )	10	04-30-16 03:20 AM

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

بربره... =¶

قسم مدونات الأعضاء [ الاختلاء المباح ]