منتديات مسك الغلا - مترامية تحنان … حصرية

*

*

*

أنا أنا مهما يدور الوقت
مهما يدور الوقت ببقى إنسان !

ماهو مهم حبيت أو فارقت !
بس المهم اني لحد الآن ..

أشعر بضيقة خاطرك لاضقت ~
وتضيق نجد و تبكي الصمان ،!

من وين ما غرّبت أو شرّقت ؛
ملامحك [ مترامية تحنان ] !

تاخذ من أطراف الحديث اشتقت ..
إلى فقدتك ما ورى النسيان ؛

آمنت في حبي لك وصدَّقت!!
وش قيمة الدنيا بدون إيمان ؟

بساطة الدنيا إذا دققت ..
محسومة و { كل من عليها فان }

لا تحسب اللي راح لا برَّقت
و توبخ الأفراح بالأحزان !

شفني وأنا اللي ذقت مالا ذقت ..
من غيبتك لمسامر الركبان …!

إذا تغشاني الحنين وتقت ..
خليت حتى للجماد لسان ،!

*

*

*
وسلامتكم