|
كل الحكايه عندى هوايه وكل هوايه ولها حكايه https://www2.0zz0.com/2025/04/02/19/770051580.png السلام عليكم ورحمة الله وبركاته حكايتى فى المدونه دي هتكون زى ما مكتوب فى العنوان بالظبط كل الحكايه عندى هوايه وكل هوايه ولها حكايه ابتدئ من فيين من الصف الاول الابتدائى وانا ابتدأت اتعرف على الالوان وكراسة الرسم وحبيتهم جدااا وحسيت انهم حبونى كمان كنت اكتر حصه بحبها هى حصة الرسم والرسم كان اول هوايه تعلقت بها واستمر ت هواية الرسم معايا حتى تعرفت على الكمبيوتر ومن هنا بدأت هوايه ثانيه وهى التعرف على برامج التصميم واول برنامج اتعرفت عليه هو برنامج الرسام يااااه كان بالنسبالى انجاز لو مسكت الماوس وعرفت ارسم دايره كنت ببقى مبسوطه قوووى بالانجاز ده وبعد كده اخويا قالى على فكره فى برامج ثانيه غير الرسام ممكن ترسمى عليها قلت له فين قال لى فى مجله بتكون معاها اسطوانات وفيها برامج تصميم ورسم والعاب وحجات كثير قلت له هاتها (اتى لنا بها) المهم اخويا جاب الاسطونات من هنا وانا بقيت شغوفه اتعرف عليها اكتر بس اوقات مكنتش بفهم البرامج اللى عليها لانها كانت باللغه الانجليزيه وانا مش قوى يعنى فى الانجليزى بس كنت بكافح علشان افهمها كنت بشوف برنامج الشرح الخاص بكل برنامج واتعلم منه وطبعا كان اول البرامج بعد برنامج الرسام هو برنامج سواش ماكس وللحكايه بقيه |
وطبعا برنامج الشرح مكنش زي دلوقتى برنامج الشرح اللى هو helpبتاع البرنامج نفسه لان وقتها مفيش نت عندى علشان اشوف واتابع https://i30.servimg.com/u/f30/14/26/08/46/i10.gif |
https://www.al2la.com/vb/data:image/...BJRU5ErkJggg== اما بالنسبه للاخ المغترب فالبرنامج اللى انت ذكرته ما اعتقدش انى شفته لكن شفت برنامج غيره اسمه Poser وبرنامج 3Dماكس اشتغلت عليهم فتره بسيطه لكن مااتقنتهمش على الرغم من انى بحب فكرة انى اعمل كارتون او شخصيات كارتونيه ده غير برنامجFloor Plan وبرنامج اوتوكاد ودى برامج هندسيه لكن البرامج دى كلها تحتاج الى دراسه مش بس هوايه |
البرنامج ده كان برنامجى المفضل قبل مااعرف برنامج الفوتوشوب والله بيصعبو عليا الممثلين اللى كانت صورتهم تقع تحت ايدي فى ذلك الوقت لان الممثله تكون صورتها زي القمر ومش محتاجه مكياج ولا اى حاجه الا انى مصممه امكيجها بطريقتى https://64.media.tumblr.com/tumblr_m...8btso1_400.gif يعنى مثلا كانت فى صوره للممثله امريكيه اسمها ميج ريان هى وصغيره مش وهى عجوزه مسكينه زي الفل عادى الاقينى عملتلها مكياج وبعد المكياج الزق على وشها شنب مش عارفه ليه يمكن كنوع من التسليه واقعد اضحك انا واخواتى على شكلها الجديد لكن بعد كده مليت من البرنامج ده لان ملك الاسطوانات والبرامج الجديده اخويا طبعا جابلى برنامج جديد وهو الفوتوشوب ومن هنا ابدات بدايه جديده فى عالم الابداع (عالم الابداع )ايه ده ايه الكلمه الجامده دى ياحجه بس خلاص مش هقول ابداع لانى مش مبدعه قوى يعنى بس بعرف اصمم حلو وعلى قد هوايتى وللحكايه بقيه |
غصن التوت مولانا, white wizard مغترب,. https://www2.0zz0.com/2025/04/06/09/790213511.png :m61:شكرا جزيلا لكم اخوتى الكرام:m61: |
طبعا فى الاول مكنتش حابه الفوتوشوب علشان كنت بحسه برنامج فى ادوات او بمعنى اصح خانات كتير مش قادره افهم الخانه دى بتاعت ايه وايه فايدتها لحد ما وصلنا نت والكلام ده فى عام 2003 ومش وصلنا نت بالمعنى الحرفى لاء ده كان فى رقم بنحطه اللى هو 07777777 وبندخل على النت عن طريقه www.youtube.com/watch?v=C3GRl8E6Gzo واعتقد ان اغلبية الناس كانت كده وكان بطئ جدا علشان تفتح صفحه تاخد ساعه ومش بنلحق نتصفح بضمير ومن خلال التصفح كنت ببحث عن شرح للبرنامج اللى عندى ده وطبعا مكنش فى يوتيوب او فيديوهات للشرح غير الشرح بالصور عن طريق المنتديات اللى كانت موجوده وقتها وكانت فى منتديات مترضاش تفتح الا اذا سجلت عندها وكنت بطلب من اخويه يسجل علشان هو اللى معاه ايميل وكان بيبحث عن الشروحات ويحفظلى الصفحات بتاعتها وبمناسبة التسجيل بقى (فكان فى منتدى نسائى كنت نفسى اسجل فيه طلبت من اخويه يسجل المهم اخويه سجل على اساس انه انا هههه رحت اشارك زي كل البنات والستات اللى موجوده عادى راحو حاظرينى وبعتولي رساله انهم بحثو عن الايميل ووجده انه راجل وكانت الصدمه ازاي عرفو:dunno: ان اللى سجل ايميل راجل مكنتش اعرف ان فى حاجه اسمها هكر (كنا طيبين قوي ياخال) زعلت قوووى وخدت على خاطرى اخويه قالى خلاص هعملك ايميل خاص بيكي وسجلي براحتك فى منتدى اهم حاجه يكون منتدى نسائى وللحكايه بقيه |
و زي ما قلت ان الاتصال بالنت مكانش سهل زي دلوقتى لان الفاتوره كانت وقتها خرافيه وخصوصا بتاعت زيرو سبع سبعات ولما مسؤول الدعم https://2img.net/u/1311/11/49/85/smiles/637430.gif (اخويه الكبير) حس بكده قال خلاص مفيش نت تانى طبعا احنا احتجينا ليه ومليهش ايه الكبت ده https://2img.net/u/1311/11/49/85/smiles/331466.gif رحنا صعبناعلى مسؤل الدعم وقال خلاص مره واحده بس فى الاسبوع بمعنى اصح ساعه واحده بس وغير مسموح باستخدام التليفون الارضى فى النت فبالتكيد الساعه دى كانت بتروح لاخويه التكنولوجى (ملك الاسطوانات والبرامج الجديده) وانا واختى كنا على الهامش https://2img.net/u/1311/11/49/85/smiles/280676.gif وانا فى خلال الفتره دى كنت اتعلمت شويه على الفوتوشوب يعنى اقص والزق اصلح صور قديمه وحجات خفيفه ففى مره واحد صديق اخويه التكنولوجى هو عارف ان اخويه له خبره فى الفوتوشوب طلب منه ان يعدله صور فرحه لان زوجته كانت عاوزه تكون صورتها موجوده فى باريس جنب برج ايفيل فاخويه التكنولوجى كان معندهوش وقت وعارف انى بحب اشتغل على الحجات اللى زي دى فطلب منى اظبط الصور وانا ماصدقت انى حد يسلملي شغلانه https://2img.net/u/1311/11/49/85/smiles/309203.gif (ياعينى ياعينى) حسيت انى اخيرا حد واثق فى قدراتى خدت الصور وابتدات كان فى صور على الجهاز لبرج ايفيل وصديق اخويه اعطاه صور كثير من الفرح بتاعته وقاله الصوره اللى تلاقيها مناسبه خدها وظبطها المهم اخدت صوره كانت له هو وزوجته وكانو ماسكين ايديهم فى ايد بعض حسيت انها صوره رومانسيه ومناسبه للبرج المهم قصيت صورتهم بطريقه جدا احترافيه https://2img.net/u/1311/11/49/85/smiles/367292.gif تحس ان الصور بتاعتهم ربنا بارك فيها (كبيره جدا)وحجمهم جايب نص البرج الشيئ الغريب فى الموضوع ان الصور عجبتهم قوى والعروسه كانت مبسوطه بالصور وكأن حلمها اتحقق وزوجها من كتر انبساطها خد الصور وبروزها وحطها فى المضيفه وشكر اخويه وقال له ايه الابداع ده انت فنان ده على اساس ان اخويه هو اللى عملها وكده يعنى https://2img.net/u/1311/11/49/85/smiles/84132.gif واخويه جه وقالى كده فانا كنت سعيده ومبسوطه انى كنت سبب فى سعادتهم واخويه اللذيد صيته سمع انه بيعدل الصور ببلاش فاحبابه كتير والطلبات كمان بقت كتير وللحكايه بقيه |
| الساعة الآن 02:18 PM. |
Powered by vBulletin® Copyright ©2000 - 2025, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا