كل الحكايه عندى هوايه وكل هوايه ولها حكايه

**ذات بهجه** · يوم أمس, 09:47 PM

و زي ما قلت ان الاتصال بالنت مكانش سهل زي دلوقتى
لان الفاتوره كانت وقتها خرافيه
وخصوصا بتاعت زيرو سبع سبعات
ولما مسؤول الدعم (اخويه الكبير)
حس بكده قال خلاص مفيش نت تانى
طبعا احنا احتجينا ليه ومليهش ايه الكبت ده
رحنا صعبناعلى مسؤل الدعم وقال خلاص مره واحده بس فى الاسبوع
بمعنى اصح ساعه واحده بس وغير مسموح باستخدام التليفون الارضى فى النت
فبالتكيد الساعه دى كانت بتروح لاخويه التكنولوجى
(ملك الاسطوانات والبرامج الجديده)
وانا واختى كنا على الهامش
وانا فى خلال الفتره دى كنت اتعلمت شويه على الفوتوشوب
يعنى اقص والزق اصلح صور قديمه
وحجات خفيفه
ففى مره واحد صديق اخويه التكنولوجى هو عارف ان اخويه له خبره فى الفوتوشوب
طلب منه ان يعدله صور فرحه لان زوجته كانت
عاوزه تكون صورتها موجوده فى باريس جنب برج ايفيل
فاخويه التكنولوجى كان معندهوش وقت وعارف انى بحب اشتغل على الحجات اللى زي دى
فطلب منى اظبط الصور
وانا ماصدقت انى حد يسلملي شغلانه
(ياعينى ياعينى) حسيت انى اخيرا حد واثق فى قدراتى
خدت الصور وابتدات
كان فى صور على الجهاز لبرج ايفيل وصديق اخويه
اعطاه صور كثير من الفرح بتاعته وقاله الصوره اللى تلاقيها مناسبه خدها وظبطها
المهم اخدت صوره كانت له هو وزوجته وكانو ماسكين ايديهم فى ايد بعض
حسيت انها صوره رومانسيه ومناسبه للبرج
المهم قصيت صورتهم بطريقه جدا احترافيه
تحس ان الصور بتاعتهم ربنا بارك فيها (كبيره جدا)وحجمهم جايب نص البرج

الشيئ الغريب فى الموضوع ان الصور عجبتهم قوى
والعروسه كانت مبسوطه بالصور وكأن حلمها اتحقق
وزوجها من كتر انبساطها خد الصور وبروزها وحطها فى المضيفه

وشكر اخويه وقال له ايه الابداع ده انت فنان
ده على اساس ان اخويه هو اللى عملها وكده يعنى
واخويه جه وقالى كده فانا كنت سعيده ومبسوطه انى كنت سبب فى سعادتهم
واخويه اللذيد صيته سمع انه بيعدل الصور ببلاش
فاحبابه كتير والطلبات كمان بقت كتير

وللحكايه بقيه

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

كل الحكايه عندى هوايه وكل هوايه ولها حكايه

قسم مدونات الأعضاء [ الاختلاء المباح ]