منتديات مسك الغلا - زحمة نعم و اطمئنان ( مشارك )

'

من الله ..
جيتنا ياشهر رمضان ،
تجدد .. كل النفوس .. و تحييها !

مثل ارضٍ ..
سقاها الغيث والهتان ،
و أرواها .. وشبّع .. كل امانيها ..!

..
ريحة مطر ..
متشبعة بصوت الاذان
ورحمة الله .. كل الناس ترجيها !

هناك طفل ..
لقى بحضن امه امان
وهذاك شايب ذكر امه ويبكيها !

جفّت اراضينا ..
من الضيق و الاحزان
وبقايا الروح .. فيها مايكفيها !

كثير اللي ..
تعب قلبه من الخذلان
وكثير أرواح بكت من فقد اهاليها !

وكثير عيون ..
بكت من دمعها احزان
وكل دمعه لها دمعه .. تواسيها !

واللي تحطم ..
من ظروفه ولا زان
واللي تكسّر من احلامه .. ب " يبنيها "

بعد عامٍ مضى ..
يحتويه احزان
رجع شهرٍ يطمّن روحنا ويهديها

ويعطيها ..
من الضحكه فرح واحضان
ومن الايام .. اجملها ب يعطيها !

في صبحك ..
هدوء البال و اطمئنان
وليلك "راحة" .. غارق انا فيها !

ينشرح صدري ..
مع سماع الاذان
وتنفتح نفسي .. للدنيا و مافيها !

جمعة اهل ..
زحمة نعم و اطمئنان
الله يديم كل النعم ويحميها !

كلام