مشوره
 

السلام عليكم ورحمة الله وبركاته،

يا جماعة، أنا في موقف صعب وأحتاج نصيحة
وما اقدر أستشير حد قريب لي لأنه الموضوع محرج

. القصة وما فيها، أنا وأخوي نحب نفس البنت،
لكن الفرق إني أدري إنه يحبها، لأنه كم مره قالي
وهو ما يدري
إني أحبها بعد.
البنت من قرايبنا، وهي تدري بمشاعري ومعجبة فيني،

لا تفهموا غلط ما في بينا أي تواصل أو كلام
، أنا عارف حدودي و صاين نفسي و حبي لها


اللي زاد الوضع تعقيد إن أمي تلمّح لي إنها تبي تخطبها لي،
ومو أول مرة تجيب طاري الموضوع، يعني واضح إنها تشوفها مناسبة لي.
أم البنت أيضًا
تعرف بخطه الخطبه. يعني الوضع بدأ يبين بشكل غير مباشر
بس أنا خايف أجرح أخوي، ما أدري هل هو ناوي يتقدم لها

وإذا صار وخطبتها أمي لي، كيف ممكن يتقبل الموضوع

أنا محتار، هل أصارحه قبل يصير أي شيء رسمي؟
أو أترك الأمور تمشي بطبيعتها؟
ما أبي أخسره، وفي نفس الوقت ما أبي أرفض نصيبي
إذا كان الخير لي فيها. وش رايكم،
وش التصرف الصح اللي يحفظ العلاقة بيني وبين أخوي وما يخليني أندم


عجلوا علي الله يخليكم

-- هناك حلين لمشكلتك :
الأول : أعطني رقم تلفون والدها عشان أخطبها لنفسي وأريحكم من المشكله
الثاني : يتقدم لها شاب قبل ما يتقدم لها أحداً منكم

عموماً من رأيي أترك الوضع على ماهو عليه لأن الأيام كفيله بأنها ستكون من صالحك مادام والدتك ووالدة البنت عندهم علم بأنك تريد البنت ، ولكن الله الله شد حيلك توضف وجهز نفسك قبل أخوك .

كنت في عذول صرت في اثنين

قصص الزواج علمتنا ان قسمتك سوف تأتيك بلا ترتيب

اتمنى لك التوفيق

قل لأمك تخطبها لأخوك وانت تلقى غيرها

كلم اخوك
والعبوا حجرة ورقه مقص
واللي يفوز يتقدم للبنت
والخسران يحزن فترة بسيطه وينسى

يعني حبكت انت واخوك نفس البنت تحبونها

مشكلتك تحتاج الدكتور مبروك عطيه
ح يجدول عليكم:g:

ع العموم.. النصيب مايخيب يالأمير
ان كانت لك ولا لاخوك

الله يوفقكم

اتفق مع كلام الاخ صعفق

وباقي طريقة كنا نلعبها واحنا صغار
توقف انت واخوك وتتجهو ناحية جدار
وتتغطو بشراشف
وتجي هي تقول
ياعيني تبغين ذي ولا ذي طاح المسك والجاوي على ذي
والي تجي عليه الاشارة الاخيرة تتزوجه

الافضل تصارح اخوك وتجلس معه اذا شفته مصر عليها
تتنازل له وبنات الناس كثير