مدونة جوهرة

السلام عليكم ورحمه الله وبركاته

بديت هذه المدونه كموضووع الاول الحمدلله

وابي اكتب اشياء خاطري اكتبها صراحه

ان شااءلله ماجيب العيد



( اذكر مره قبل يوم كنت في منتدى ثاني ، كنت اتمنى يكون عندي توقيع يعني هديه كذا ليش ؟)

لاني اذكر كان في وحده الله يذكرها بالخير تسوي تواقيع في المنتدى وسوت توقيع لوحده يعني الله يذكرهم كلهم بالخير

وانا ذاك اليوم تضايقت واجد زعلت ليش ماسوت لي توقيع

لاجيت اذكر الموضوع اضحك لان صدق مايستتاهل ليه عشان توقيع كنت اتضايق


المهم والله واذكر حتى الله يجزاها خير سوت الصوره الرمزيه وكل شي توقيع وحتى كان يتحرك مانسى وانا اصلن ابي كذا لاني ماعرف اسوي توقيع حلو يتحرك ويتلمع ويتهزز


المهم انا ابي اقول صدق انا مافهم كيف كنت مندمجه في قصه التوقيع وان ليش ماعندي توقيع زين


وبس

سبحان الله مع مرور الوقت كل شي يتغير

بس فيه اشياء مافهمت ماتغيرت لي الحين في تفكيري




والله الوسواس ابتلاء

قعدت اكتب اشياء واجد وامسحها لاني اعرف بجيب العيد لو خليتها

المهم الحمدلله كل شي يصير بتقدير الله سبحانه


وما اصابك ماكان ليخطئك وما اخطئك ماكان ليصيبك

الحمدلله

عن عبد الله بن عباس رضي الله عنهما قال: كنت خلف النبي صلى الله عليه وسلم فقال: «يَا غُلَامُ إِنِّي أُعَلِّمُكَ كَلِمَاتٍ احْفَظْ اللهَ يَحْفَظْكَ احْفَظْ اللهَ تَجِدْهُ تُجَاهَكَ إِذَا سَأَلْتَ فَاسْأَلْ اللهَ وَإِذَا اسْتَعَنْتَ فَاسْتَعِنْ بِاللهِ وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللهُ عَلَيْكَ رُفِعَتْ الْأَقْلَامُ وَجَفَّتْ الصُّحُفُ»، رواه الترمذي حديث حسن صحيح.

السلام عليكم ورحمه الله وبركاته

اشكر كل من مر ورد الله يسعدكم عطاء دائم و white wizard اظن كذا الاسم


انا ابي اقول هذا من زمان يعني وانا اقول كيف الزمن يتغير وكل شي يصير مو نفس الاهتمام

هذا شي بسيط وانا ماذكرت بعد اشياء ثانيه كنت اهتم حتى بعدد المشاركات اذا وصلت مع رقم الالف وشي كنت استانس واتضايق اني ضيعت وقتي وانا قاعده اشارك

غير فكرت اني اتمنى انهم يعطوني لون جديد في ذاك المنتدى فيه والله اشياء واجد مابي اذكرها هنا عشان مايروح فكر الي يقرا بعيد يعني مثل الله يسعدكم قروا وعطوا خيارات حلوه عن التوقيع االله يسعدهم دنيا واخره انا مانسى ذاك اليوم في ذاك المنتدى وكتبت وش كان في خاطري اقول بس

فيني الضحكه لاجيت اذكر شكلي يعني شكلي والله احس كذا

وهي مدونه بكتب وش في خاطري فقط




الله يبارك في جهودكم ويسعدكم يارب

واليوم الصبح اقررا في حديث احفظ الله يحفظك قعدت ساعه كامله اقرا فيه مشاءالله استفدت منه واجد
من بين الاشياء اللي استفدت منها
ان الله يخلي لنا ملكين على جنبينا يحفظونا سبحان الله وبقدره ربي لو صار شي لنا هو الله كاتبه لنا

والمعلومه هذه اول مره اعرفها
وهي موجوده في اذكار الصباح والمساء بس ماكنت فاهمه اصلن الذكر نفس مافهمت الحديث (اللهم اني اسالك العفو والعافيه في الدنيا والاخره اللهم اني اسالك العفو والعافيه في ديني ودنياي واهلي ومالي اللهم استر عوراتي وامن روعاتي اللهم احفظني من بين يدي ومن خلفي وعن يمين وعن شمالي ومن فوقي واعوذ بعظمتك ان اغتال من تحتي)

اقرا الاذكار ومعها هذا بس ماستشعرت بالمعنى الحقيقي الا عقب يوم فهمت الحديث سبحان الله

قرايه الحديث وقرايه تفسيره وحتى لو اخذ وقت طويل مع ان الشيطان يقولي باقي واجد وانا اقرا يعني عشان ماكمل قرايه وكنت ابي ارقد قلت بكمل لين اخلص تفسير الحديث

وسبحان الله طلعت بفايده كبيره منه الحمدلله

السلام عليكم ورحمه الله وبركاته

اسعدني مروركم اعضاء منتدى مسك الغلا الله يسعدكم وشكرا على التقيم والاعجاب الله يبارك في حياتكم


ودي اقول انه مرات اشوف الزمن يتحرك ببطى شديد يعني اليوم حسيت كنه 30 سنه مرت

ماعرف كيف اعبر بس اعرف انه الهم جند من جنود الله

وراضيه بقضاء الله وقدره

بس والله ماضاقت الا وفرجت

في حديث احفظ الله يحفظك قريت التفسير وان احد الصحابه قال بمعنى انا اقوله بلهجتي انه كيف اتضايق وورا العسر يسرين سبحان الله

الحمدلله واتذكر ان كلنا في اختبار من الله


واذكر الايه

وَلَقَدْ كُنتُمْ تَمَنَّوْنَ الْمَوْتَ مِن قَبْلِ أَن تَلْقَوْهُ فَقَدْ رَأَيْتُمُوهُ وَأَنتُمْ تَنظُرُونَ
آل عِمرَان (143)


واذكر الايه

(ان الله مع الصابرين)

(ان الله مع المتقين )

واحلى ايه (ان الله يحب المحسنين)


الحمدلله على كل حال