محطة عبور ~ حصرية

**أنا فداهم** · 01-29-24, 12:17 AM

*

*

تمر الأيام والدنيا محطة عبور!
وأنا على حطة يدك قبل توديعها

ماعدت أفرّق مابين غياب والا حضور!!
أوسِّد أيام عمري كف أسابيعها

ما أقسى من الفقد غير إني على آخر ظهور
أثر غلا نجد حتى في ذعاذيعها !

يا نجد واللي خلقني لك بتسعة شهور
الناس لو عاتبتني فيك ما أطيعها

أنتي حميدة نسب وأنا مافيني قصور
لو الأيادي تعايب بي بأصابيعها

وقع الجروح العميقة ماكنه بالصدور
ومنك الجروح العميقة كيف تشييعها؟

عايش و مستنكر الدنيا متاع الغرور!
بعدك ما تغنيني الخيل و مصاريعها!

ولا الليالي ولا حتى سوالف تدور ؛
ولا النقاشات تغريني مواضيعها !

أعتب على أهل الحياة بدمعة أهل القبور
وأقول لله مرجعها .. وتوديعها !!

أنتي وحبي لك ليوم الحشر والنشور
ونفسي رهينة تفرقها و تجميعها !

*

*

هوس* · 01-29-24, 12:23 AM

يا نجد واللي خلقني لك بتسعة شهور
الناس لو عاتبتني فيك ما أطيعها

واقسى الفراق
هو فراق الاحبه الابدي
فراق لا امل بالعوده فيه
تتزاحم الاشواق ويتقد الحنين
ونبقى رهن ذاك الوداع
واخر نظرات من نحب

سلمت
ورحم الله من فقدت وفقدنا..!

**أعد النجوم** · 01-29-24, 12:23 AM

الله الله

قصيده جزله من شاعر جميل وجزل

ابدعت جدا لله درك

بوركت وبورك حرفك

يختم ل3 ايام

**رومنسية** · 01-29-24, 01:00 AM

الله عليك
صح لسانك
والله يعينك على الم الفراق
تحياتي وودي

**النسيم المسافر** · 01-29-24, 01:04 AM

الله عليك من شاعر جميل

حقااا أبدعت وتميزت

لروحك المسك

وتحيه

بحجم

السماء

**وارف** · 01-29-24, 01:05 AM

العذب انا فداهم
صح فكرك ولسانك إلى مالا نهاية
ودمت ودام هطولك الندي
سطور جميله حملت في طياتها درر نفيسه

تقبل أصدق الود وانفاس الورد

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

محطة عبور ~ حصرية

ديوان ومحاورات حصريه لشعر ( شعرائِنا )