نفايح جنتي .. حصرية

**أنا فداهم** · 01-05-24, 03:51 AM

*

*

بعد طلْ الصباح استبشري بنور ذاك الضوح
و لدِّي للنسايم تستكن ببارد ظلالك ..

أنا روح و جسد لكن يا يمه وش تكون الروح
إذا ماهي ورى حدب الضلوع مهادها شالك

كبر شاعرك وصار الشاعر الموهوب والممدوح
دخيلك شوفي أنظار البشر وأنظاره قبالك

بعيده نظرتي يا دنيتي لأني بعيد شبوح
مع إني ما مشيت بدنيتي إلا على بالك

أنا مدري وش اللي كاتبه ربي علي باللوح
ولكن أوعدك ما أكون مترامي و متهالك

أنا أوعدك الحمام اللي على السدره ماعاد ينوح
هديله يا نفايح جنتي غنوة تغنالك

ماني مسموح لو قصرت في حقك ماني مسموح
لو إني ابن قلبك يا دلالي و أقرب عيالك

أبا أبقى تحت رجلك لين ما ينبت البياض تلوح
على عارض ولدك اللي ما يسوى شسعة نعالك

*

*

**النسيم المسافر** · 01-05-24, 09:21 AM

يسعدني أن اكون اول من

يترك بصمته بين حنايا

سطورك الممته

الراقيه

امتعت

واطربت

واشجيت

يا مبدع

يعطيك

الف الف

عافيه

ولروحك

الشهد

وتحيه

بحجم

السماء

يشخصك

**أعد النجوم** · 01-07-24, 02:14 AM

صح لساانك انا فداهم

والوالده تستاهل كل خير ايه والله

الله يطيل بعمرها ويرزقك برها قول امين

يختم ل3 ايام

**الْياسَمِينْ** · 01-07-24, 02:26 AM

بارك الله في أمك وفي كل أمهات المسلمين..
كلمات جميلة خرجت من قلب صادق وقلم واف..
نسأل الله العلي العظيم الرحمة والمغفرة للأحياء منهن والأموات..
شكر الله لك تلك المشاركة القيّمة…

**احلام عابره** · 01-11-24, 12:30 AM

الله يحفظ الوالده ويخليلك ياهلا
ورزقك برها ما حييت
ربنا يرحم من مات من الأمهات
ويعافي من على قيد الحياة
الشاعر أنا فداهم
اينما حللت يلازمك الابداع كظلك
صح لسانك ملايين
وعدهم صح كلك
ودي واحترامي

\| أصدقاء منتدى مسك الغلا \|
مدونة مسك الغلا	مدونات		شات جوال	شات الجوال	شات
شات سعودي	شات صوتي للجوال	شات	دردشة	شات بنات	شات كتابي
	شات الرياض

نفايح جنتي .. حصرية

ديوان ومحاورات حصريه لشعر ( شعرائِنا )