سجّل حضورك بأبيات حصرية من نظمك

ياصحبة الخير عليكم سلام
من ربٍ كريــم عفــو غفــور

تقبل الله صيامكم. والقيام
واظلكم بظله يوم.. النشور

نهار العيد سافر بي خيالي شوق .. لعيونك
بغيت الصبر في مبسم حزين وصادف العبرة

خطفني شوقي الساهي وما تدرين مجنونك
تعثر في لوايا الوصل شوق وطاح بالعثرة

ملامح عاشقٍ يوغل حفاه الشوك من دونك
عنا ياخذ مداه الوصف واتحطم على جسره

منادى والتعب جهد الكئيب وﻻ بلغ عونك
تعب صوتي على وجه العذاب وذابت النبرة

حنانك وش بلاك أكثر عذاب اللي يحبونك
على كثر التمني من عيونك حاجتي نظرة

انا والعيد وألوان الفرح والحب ممنونك
تعيدي ضحكة ايامٍ سلبها الوجد من عمره

جفاه الصبر من طول الحنين وقيل مفتونك
نذر حبك حياته ، ﻻ يموت الحيّ من نذره
سالم العامري