06-11-22, 04:57 PM | #145 | |||||||||||
| مساء الخير والعافيه انا صايره هالفتره ماادخل قليل اساسا انا قليل ادخل والحين بزياده ماادخل ماغير جالسه بالبيت ضيوف داخله وضيوف طالعه ابي وقت لنفسي مافيه يالله هانت باقي شويات وافضي لنفسي يالله ان شاءالله يروح ضيوفي الليله بدري واحاول ادخل هنا شكرا لكل من قيمني وسأل عني واعتذر للي مارديت عليهم بالخاص مااقدر ارد مشاركاتي قليله المفروض يعطوني درع على ثباتي على تاخري بالمشاركات هههههههه | |||||||||||
|
06-14-22, 06:44 AM | #146 | |||||||||||
| صباح الخير كنت اتابع بتويتر قبل شوي مساحه بتويتر عن الذكريات وماضينا والحنين للماضي وذكريات الثمانينات بس طلعت منها شيء جميل ويالله على الذكريات ترجعك للماضي وكأنك موجود وتعيش اللحظه عاد المضيف واللي يدير الحوار الرائع عبدالله حمود الرشيد والله محتاجين دائماً لمثل هذهِ الحوارات لاجل الترويح عن النفس تعبنا من الحوارات اللي كلها جديه ومشادات وربما تكون آخرتها مماسك شوش هههههههههه | |||||||||||
|
06-14-22, 07:11 AM | #147 | |||||||||||
| هالصباح ودي امسك خط طويل سفر واشغل شيلة ياهل الموتر اللي بأول القاع غبر بس مشكله الحين مافيه ربيع ولا فياض تو وبله تنثر مافيه إلا الحر والغبار مع هالصيف سقى ايام الشتاء والربيع والأجواء الحلوه | |||||||||||
|
06-14-22, 08:05 AM | #148 | |||||||||||
| استغرب من بعض مفسرين الاحلام كيف يفسرون احلام بعض الاشخاص هل هو علم بزياده او انهم يستعينون بااشياء اخرى لدقة التفسير وفيه اسأله يسألها للي شاف الرؤيا استغرب كيف يعرفها مو لدرجه هذه بصراحه البعض من المفسرين يخوفون لدقة التفسير هل هم يستعينون بطرف ثاني خاصه اللي اشوفهم بالتك توك لكن كلام هذا مو عن المفسرين الموثوق فيهم ومعروفين بتفسيرهم وتدينهم واخلاقهم وصدق تفسيرهم للرؤيا | |||||||||||
|
06-14-22, 09:30 PM | #149 | ||||||||||||||||||||
|
وانا داخله الآن حصلت هالتقييم متت ضحك ياربي طيب قول مزرعة نخل او حمضيات او عنب او فراوله عاد جالسه اتخيل نفسي بوسط البرسيم واخذ صوره سلفي مع البرسيم كأنه عشب وجو ربيع هههههههههه اضحك الله سنك ياللي ارسلت هالتقييم | ||||||||||||||||||||
|
06-14-22, 10:09 PM | #150 | |||||||||||
| احياناً المجاملات تغث وخاصه اذا صرت بقروبات الجماعه والقرايب اذا قلت الصراحه وابديت الرأي تهاوشت معهم وان سكتت قالوا ليه ساكته وان طلعت من القروبات قالوا فيك شيء ليه طلعتي ياربي اكره شيء عندي قروبات القرابه جالسين فيه كأننا مطاوعه ههههههه الكل يجامل ويظهر نفسه مدين وماعندي زلات وهم اكثرهم غلط بغلط بس نغمض العيون عن الغلط لأجل حفظ الود والقرابه بيننا ومتأكده اكثركم عنده نفس الشيء لأجل كذا كلنا داخلين هنا بنكات مستعاره لاجل ناخذ راحتنا بزواي المنتديات نعبر ونتكلم براحتنا وبدون تزييف وتصنع بعيد عن عيونهم اللي تدور الزلات وماكأنهم من لحمنا ودمنا وتربطهم بيننا وبينهم صلة رحم مادري ليش كتبت هالكلام لكن جد منغثه من كثر القروبات ولا لي حيله اطلع منها بيجيبوني من شوشتي | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||