05-13-22, 10:24 PM | #133 | |||||||||||
| ياصاحبي لايحبطك جور الحياة ولا تضايق وأمر ربي من سعه ولا تعيش العمر كله في شتات استرجع الي راح منك واجمعه اللي ماينفع نفسه بعز وثبات والله مايلقى اللي بعمره ينفعه مستقبلك ماله شغل بالذكريات اللي شراك اشره ومن باعك بعه وان قفلت في وجهك الأربع جهات اختر جهه غير الجهات الاربعه الشاعر سعود الطاثوب | |||||||||||
|
05-13-22, 11:29 PM | #134 | ||||||||||||||||||||
|
حياك الله اخوي رومانس النور بوجودك الله يرفق قدرك ويعلي شأنك هذا من طيب اصلك لا بعلق الموسوسين كثروا وبكل مكان الله يكفينا الشر لكن انا اطبق المثل هذا بكل حذافيره هنا وبحياتي الواقعيه إمْشِي عِدِلْ يِحْتارْ عَدُوَّكْ فِيكْ! وهذا بعد زياده من كيسي ابعد عن العيب والحرام راح يرتاح ضميرك ومخك وترضي ربك ونفسك وبعدها لو شوشتك منفوشه وتركب الجمس الحمر وتشغل بطي البذالي يالله من طشاش بلقاع رشاش ماعليك من احد ولا احد له شغل فيك عيش جوك وانا اختك ههههههههه | ||||||||||||||||||||
|
05-13-22, 11:35 PM | #135 | |||||||||||
| الزوار اللي تحت السبعه وش عاجبكم بالمدونه ماعندي محتوى هادف ههههههه كله ثرثره وفضفضه على العموم مشرفيني وحياكم الله امسكوا | |||||||||||
|
05-13-22, 11:54 PM | #136 | |||||||||||
| اذا اراد الله وكتب بكرا بالليل عندي دخول للمستشفى تنويم لاجراء بعض الفحوصات الطبيه قسطره تشخيصيه للقلب ويارب يكون خير بصراحه متخوفه الدكتور يوم شرح لي حالتي قلت له طيب لو ماسويت القسطره اللي قلت لي رفع راسه ونظر لي نظرة اللي مشفق علي وفيه الضحكه شكله قال بينه وبين نفسه هذي بتهج هجيج مابعده هجيج خرج ولم يعد ههههههههه بس كان صارم ماعنده تفاهم تنويم يعني تنويم عاد مافيه احد خبرته من اهلي خفت ينشغلون علي وهم بعيد عنا ويسافرون بس وحده من خواتي خبرتها لاني كنت بسالها عن القسطره لانها قبل سوت قسطره وبعدها عملية فتح قلب وكنت معها مرافقه وعارفه الاحداث والاشياء اللي مرت فيها الله يحفظها يارب دعواتكم لي ان يطلع ماعندي شيء وسليم هالقلب اللي الله اعلم بحاله واحواله | |||||||||||
|
05-31-22, 06:55 AM | #137 | |||||||||||
| اللهم شكراً وصبراً وحمداً على كل حال وكل شعور صباح الخير والورد … | |||||||||||
|
05-31-22, 10:03 AM | #138 | |||||||||||
| بعض المواقف والاحدث اللي تحدث لك بالحياة تغير لك نظرتك للحياة وللأشخاص .. فـ الحمدلله أني محاطه بـ اشخاص كـ الجواهر والدرر فقد يظهرون لي بمواقفي الصعبه كالبلسم على الجرح اللهم احفظهم لي واسعدهم بالدارين يارب العالمين .. فتشوا عن هؤلاء الاشخاص واضيفوهم لحياتكم لِأنكم لابد أن يأتيكم يوم و تحتاجونهم .. | |||||||||||
|
إضافة رد |
مواقع النشر (المفضلة) |
| |
| أصدقاء منتدى مسك الغلا | | |||||